header 2

बौद्धबाट बरामद ‘युरेनियम’ भारतीय नागरिकले गयाबाट काठमाडौँ ल्याएका थिए

Sagar Adhikari
बौद्धबाट बरामद ‘युरेनियम’ भारतीय नागरिकले गयाबाट काठमाडौँ ल्याएका थिए
Sagar Adhikari

काठमाडौँ । नेपालमा १ वर्षको अवधिमा दोस्रोपटक ‘युरेनियम’​ बरामद गरिएको छ । फागुन २ मा बौद्धस्थित ह्यात रिजेन्सी होटलको पार्किङबाट प्रहरी प्रधान कार्यालय र महानगरीय प्रहरी वृत्त बौद्धबाट खटिएको टोलीले २ केजी ८ सय ग्राम युरेनियम बरामद गरेका हुन् । सो युरेनियम कारोबारी बारे महानगरीय प्रहरी वृत्त बौद्धले अनुसन्धान गरिरहेको छ ।

खानी तथा भूगर्भ विभागमा पठाइएको महानगरीय प्रहरी परिसर काठमाडौँका प्रवक्ता (एसपी) दिनेशराज मैनालीले रातोपाटीलाई बताए । 

युरेनियम कारोबार गरेको आरोपमा प्रहरीले ८ जनालाई पक्राउ गरेको छ । तिनै ८ जना मध्येका हुन्, भारतको बिहार प्रदेशस्थित गया जिल्ला घर भएका ६३ वर्षीय उपेन्द्र कुमार मिश्र । मिश्रले गयाबाट युरेनियम नेपाल ल्याएको प्रहरीको अनुसन्धानबाट थाहा भएको छ । 

प्रहरीले पक्राउ गर्नुभन्दा २३ दिनअघि सडक मार्ग हुँदै युरेनियम लिएर काठमाडौँ आएका मिश्र नारायणटार स्थित ‘एसएमजी’ होटलमा बसे । नेपालका एक जना एजेन्टमार्फत मिश्रसँग ललितपुरका काँग्रेस नेता ६० वर्षीय नवराज महतसहित ७ जनासँग सम्पर्क भएको प्रहरीको अनुसन्धानबाट थाहा भएको छ । 

सो युरेनियम प्रतिकिलो ३५ करोडमा बेच्ने गरी डिल गरेको सुराक पाएपछि प्रहरीले उनीहरूलाई पक्राउ गरेको हो । पक्राउ पर्नेमा भारतीय नागरिक उपेन्द्र कुमार मिश्र, ललितपुर महानगरपालिका–१४ घर भएका नवराज महत, सिराहा घर भएका गोपीलाल दास, सिन्धुपाल्चोक घर भएका रामकृष्ण लामिछाने र भूपेन्द्र खड्का तथा सिराहाका जिवछ नारायण यादव  छन् । महोत्तरी घर भएका ३८ वर्षीय सुरेन्द्र प्रसाद चौधरी र ४४ वर्षका राजु ठाकुरलाई पनि प्रहरीले पक्राउ गरेको छ । 

उनीहरूमाथि रेडियोधर्मी पदार्थ उपयोग तथा नियमन ऐन–२०७७ अनुसार जिल्ला अदालत काठमाडौँबाट म्याद लिएर अनुसन्धान भइरहेको एसपी मैनालीले बताए ।  आरोपीहरूको बिचमा ४ महिनादेखि सो युरेनियम बारे कुरा भइरहेको थियो । उनीहरूले काठमाडौँका विभिन्न होटलमा त्यसबारे ‘मिटिङ’ गरेको प्रहरीको अनुसन्धानबाट थाहा भएको छ ।

शेयर गर्नुहोस

Sagar Adhikari

कमेन्ट गर्नेहोस् तपाईको ईमेल गोप्य राखिनेछ

प्रतिक्रिया